ဟိုတုန်းက မန္တလေးညရယ်..

ပိုက်ဆံအိတ်အဟောင်းလေး (အဟောင်းဆိုမှ တကယ့်ကို ဟောင်းဟောင်းဟောင်း မြည်နေတဲ့ အဟောင်း) ထဲကနေ ဒီကတ်လေးထွက်လာတော့ ကိစ္စတချို့က ရုပ်ရှင်လိုပဲ တကွက်ချင်းပြန်ပေါ်လာတယ်..

လက်တင်ရုံလေးပဲရှိတဲ့ ခုံတန်းသေးသေးကျပ်ကျပ်လေးမှာ ၃-၄ယောက်ပူးကပ်ထိုင်ပြီး စာသင်ရတဲ့ ပူလောင်အိုက်စပ်နေ့လည်ခင်းလေးတွေ..
တရက် အဲ့ဒီ့ကိုမသွားခင် မိုးတွေအရမ်းရွာလို့ ကျူရှင်မတက်ခင်လေး အပြေးအလွှားသွားသောက်ရတဲ့ seasons က ကော်ဖီပူပူလေးး (အရမ်းကိုအရသာရှိလွန်းလို့ ခုထက်ထိတွေးမိတိုင်း ကျေနပ်တဲ့ ကော်ဖီတခွက်)..
သူငယ်ချင်းနဲ့၂ယောက်တည်း အုတ်တံတိုင်းကို ဆိုင်ကယ်နဲ့တိုက်မိမလိုဖြစ်ခဲ့တဲ့ ညနေခင်းတခု..
ကျူရှင်ကပြန်ထွက်တိုင်း ကိုယ့်ကိုလိုက်စတတ်တဲ့ အုပ်စုတစု.. (အဲ့တုန်းက ကိုယ့်ကိုလိုက်ကြိုက်ခဲ့တဲ့ ကောင်လေးပါတဲ့သူ့သူငယ်ချင်းအုပ်စုပေါ့.. :P )
အော.. အဲ့ကျူရှင်က သတိရစရာလေးတွေပြီးတော့ နောက်တနေရာကို ဆက်သတိရ.. နောက်တနေရာကလည်း မြို့လယ်ကောင်ပဲဆိုတော့ အခန်းကျဉ်းကျဉ်းမှာ ကျပ်ကျပ်တည်းတည်း တိုးတိုးဝှေ့ဝှေ့ပဲပေါ့..
အဲ့မယ်လည်း အဲ့လိုက်စတဲ့တအုပ်စုကြောင့် ဆရာတောင်သိသွားပြီး ပြုံးစစဖြစ်ခဲ့တဲ့ ချောချောခန့်ခန့်ဆရာ..
ဒါနဲ့ ဒီအုပ်စုအကြောင်းဆက်စဉ်းစားမိတော့ ကျောင်းသွားတဲ့တမနက်မှာ အတန်းရှေ့ကနေစောင့်ပြီး စခဲ့တာတောင် ကိုယ့်ကြိုက်မှန်းမသိ.. သူငယ်ချင်းကိုလိုက်တယ်ထင်လို့ အာပေါင်းအာရင်းသန်သန်နဲ့ သူငယ်ချင်းကို ကိုယ်တိုင် ပြန်စခဲ့တာတွေ.. နောက်တော့ ကိုယ်ဆိုတာကို ရှိသမျှသူငယ်ချင်းအကုန်သိသွားတော့ မျက်နှာဘယ်ထားရမှန်းမသိဘဲ ရှက်ခဲ့မိတဲ့ တရက်..
အတန်းဆိုတာလေး စဉ်းစားမိပြန်တော့ ကျောင်းနားက ထိုင်နေကျ လဖက်ရည်ဆိုင်လေး.. နာမည်က အချစ်ရွာတဲ့.. သူ့ဘေးက အအေးဆိုင်လေးက အဲ့နှစ် နွေရာသီကမှ စဖွင့်တာမို့ စစချင်းအားပေးခဲ့တဲ့ ကိုယ်တို့တတွေကို ကောင်းကောင်းသိတယ်.. အအေးသောက်တိုင်း ၂ခွက်သောက်တဲ့ကိုယ့်ကို ပိုမှတ်မိခဲ့တယ်.. (ကိုယ်မရှိတော့တဲ့ နောက်ပိုင်းမှာ အဲ့ဦးလေးကြီးက ကိုယ့်ကို ခဏခဏမေးတယ်တဲ့..)
နောက်တော့ အဆောင်ဘေးလမ်းကြားထဲက အိမ်ထမင်းဆိုင်လေး.. ဈေးအရမ်းပေါတယ်.. သူငယ်ချင်းတွေ ၀ယ်စားလို့ ခဏခဏလိုက်သွားဖူးပေမဲ့ ကိုယ်လုံးဝစားမရတဲ့ဆန်နဲ့မို့ ဘယ်တုန်းကမှ မစားဖြစ်တဲ့ဆိုင်လေးပေမဲ့ မှတ်မိနေတုန်းပဲ..
ခုနက လဖက်ရည်ဆိုင်ဘေးက ဇလုံကြီးထမင်းဆိုင်.. (ခုတော့လည်း ၀န်ကြီးတောင် သွားစားနေပြီပေါ့)..
အော.. နောက်တော့ အဲ့နဲ့ ၂လမ်းကျော်လောက်က ကိုယ့်အကြိုက်ဆုံး ဒုတ်ထိုးဆိုင်နဲ့ နေရာမရတတ်လွန်းလို့ ဆိုင်မခင်းခင်ထဲကနေ သွားထိုင်စောင့်ဖြစ်တဲ့ နေ့လယ်ခင်းတွေ..
ဒုတ်ထိုးလို့ စဉ်းစားမိပြန်တော့ ကော်ပြန့်ကြော်ကိုပါဆက်စပ်သတိရပြန်တယ်.. မြောင်းလေးဘေးက ကော်ပြန့်ကြော်.. ကော်ပြန့်ကိုမျိုးစုံရောင်းတာ.. ပြောင်းဖူး အသီးရွက် အသား ငှက်ပျောသီး စသဖြင့် ထည့်လို့ရတာ အကုန်ထည့်လိပ်ပြီး ကြော်တာ..
အဲ့ကော်ပြန့်ကြော်အကြောင်းဆိုတော့ အဲ့နားက ကျူရှင်က ဆရာကြီးကို ထပ်သတိရ.. အေးအေး အေးအေးနဲ့ အရမ်းယဉ်ကျေးတဲ့ ဆရာကြီး.. အဲ့အချိန်တုန်းကတောင် ၆၀ ကျော်လောက်ရှိနေပေမဲ့ သူ့ကိုယ်သူ ကျတော်တဲ့.. ဟုတ်ကဲ့ပါတဲ့..
သူ့အကြောင်းရောက်ပြန်တော့ .. နောက်ထပ် သူ့လောက်အသက်မကြီးပေမဲ့ အသက်ခပ်ကြီးကြီးဆရာကြီးတယောက်ရဲ့ ကျူရှင်ကို ထပ်သတိရ.. သူက မနက်အစောကြီးတွေ ထသွားရတဲ့အချိန်တွေမို့ သူ့အိမ်နားက လက်ဖက်ရည်ဆိုင်အကြီးကြီးကိုပါ တွဲသတိရပြန်ရော..
ကျူရှင်ဆိုပြန်တော့.. တမြို့လုံးနီးနီး ကျူရှင်ပတ်တက်ရတာမို့ နောက်တနေရာက ဆရာမကို ထပ်သတိရ.. အဲ့နားမှာ မြောင်းလိုလို ကန်လိုလို ရှိတာမှတ်မိပေမဲ့ ကျန်တဲ့အမှတ်တရ အဲ့နားမှာမရှိဘူး..
နောက်တနေရာကျပြန်တော့ ကိုယ်သိပ်ကြိုက်တဲ့ မာလာဟင်းဆိုင်နဲ့အရမ်းနီးနေခဲ့တယ်.. ဒါပေမဲ့ အဲ့နားမှာ ကျူရှင်ရယ် ဆရာမရယ်ဆိုတာကလွဲရင် ဘာ ဘာသာသင်ခဲ့ရတယ်ဆိုတာရယ် စာသင်ခန်းကဘယ်လိုဆိုတာရယ်က ခေါင်းထဲမှာမရှိတော့ဘူး..
အဲ့ဆိုင်က မာလာဟင်းကို သိပ်ကြိုက်တာကြောင့် ကိုယ်တို့တတွေ ပိုက်ဆံရွှင်တဲ့ရက်တိုင်း အဲ့ဆိုင်ကိုပဲ ပြေးကြတယ်..
တခါတလေရောက်ဖြစ်တဲ့ ညဈေးကိုလည်း သတိရသွားပြန်ရော..
အဆောင်နား မနီးမဝေးက ထမင်းကြော်ကိုပါ တဆက်တည်းသတိရပြန်တော့.. ပုံစားရှမ်းထမင်းဆိုင်လေးတွေက အစီအရီပေါ်လာပြန်တယ်..
ပုံစားဆိုပြန်တော့လည်း နေ့လည်တိုင်းနီးနီးသွားစားဖြစ်တဲ့ အသုပ်စုံဆိုင်လေးကိုထပ်သတိရ.. ထမင်းသုပ်နဲ့ အမဲကြော်ကို အမြဲလိုလိုစားဖြစ်ခဲ့တဲ့ ပူစပ်စပ်နေ့လည်ခင်းတွေပေါ့...
သီချင်းလာဆိုတဲ့သူတွေရှိတဲ့ညတွေဆို ကိုယ်တို့ သိပ်ပျော်ခဲ့တယ်.. တကယ်တော့ ကိုယ်တို့ထဲက ဘယ်သူ့ကိုမှ လာဆိုတာမဟုတ်မှန်းလည်း အကုန်လုံးသိခဲ့တယ်.. ကိုယ်တို့ရဲ့စီနီယာမမလှလှဒေကို လာဆိုကြတာ.. ဒါပေမဲ့ ကိုယ်တို့က ကြားထဲကနေ သီချင်းနားထောင်ပြီး ပျော်နေတတ်ကြတယ်..
ဒါလောက်ပါပဲ.. ကျန်တာတွေကတော့ ၀ိုးတိုးဝါးတား မန်မိုရီတွေအဖြစ်သာ ကျန်ရှိတော့တာမို့ ထည့်မပြောတော့ပါဘူး...
ဘယ်လိုပဲဖြစ်ဖြစ် အဲ့အချိန်တွေတုန်းက စိတ်ညစ်သလောက် တခါတလေလည်း ကိုယ်ပျော်ခဲ့ဖူးပါတယ်လေ..
ဒီအချိန်မှာ ကိုယ်နောင်တရလားမေးရင် ကိုယ်နောင်တမရသေးပါဘူး...
နောင်တချိန်မှာ ကိုယ့်စိတ်ဘယ်လိုရှိမလဲမသိပေမဲ့ ကိုယ့်ဆုံးဖြတ်ချက်အပေါ် ခုချိန်ထိတော့ လုံးဝ နောင်တမရသေးဘူးပေါ့..
တခါတလေတော့ ကိုယ်စဉ်းစားကြည့်မိတယ်.. အဲ့တုန်းကသာ ကိုယ်တဇွတ်ထိုးတွေမလုပ်ခဲ့ဘူးဆို ကိုယ်ဘာဖြစ်မလဲဆိုပြီးလေ..
ခုချိန် ကိုယ်စာတွေ ဆက်ကျက်ချင်ကျက်နေမယ်.. ဒါမှမဟုတ်.. သမိုင်းပေးတာဝန်ကို လစာလေး မလောက်မငှနဲ့လုပ်ပြီး မိဘပိုက်ဆံကို ခုချိန်ထိ လက်ဖြန့်တောင်းပြီး သုံးနေရမယ်.. ဒါပေမဲ့ လူတွေပြောတဲ့ ဂုဏ်လေးတခုတော့ ရှိနေမပေါ့.. ကျောင်းက နီးစပ်ရာ လူတယောက်ယောက်နဲ့ပဲ ကိုယ်အကြောင်းပါလိမ့်မယ်..
အခုလက်ရှိချစ်သူဆိုတာ ကိုယ်နဲ့တွေ့လာလိမ့်မယ် မဟုတ်ဘူးလေ..
ဒါမျိုးတွေစဉ်းစားကြည့်တော့လည်း ခုကိုယ့်ဘ၀လေးကို အကျေနပ်ကြီးမဟုတ်ပေမင့် ကိုယ်စိတ်မပျက်ဘူး.. ကိုယ်ပျော်သင့်သလောက်ပျော်တာပဲလေ.. သူများဒေ စာကုန်းရုန်းကျက်နေခဲ့ရတဲ့အချိန်မှာ ကိုယ် အေးဆေးသက်သာစွာနဲ့ပဲ အလုပ်တခုလုပ်ရင်း မဖြစ်စလောက် ဒီပလိုမာလေးတခုရခဲ့တယ်လေ.. အခုအတန်အသင့်လစာလေးနဲ့လဲ ကိုယ်သုံးဖြုန်းနေနိုင်နေသေးတယ်လေ.. ကိုယ့်သူငယ်ချင်းတွေ ခုထိညည်းကောင်းတုန်းပါပဲ.. ချမ်းသာတဲ့မိဘက ပေါက်ဖွားလာတဲ့တချို့ကလွဲရင်ပေါ့..
ကိုယ့်မှာ သူတို့လို လူဒေပြောတဲ့ ဂုဏ် တော့မရှိဘူးပေါ့လေ...
တခုခုကို ဆက်စပ်စဥ်းစားမိတိုင်း ဒီလိုနေရာမှာ အဆုံးသတ်သည်ပေါ့ကွယ်...