ဆိုးတဲ့အကျင့်ပဲမို့ ဒီခေါင်းစဉ်ပဲတပ်လိုက်တယ်...
ကိုယ်ကိုယ်တိုင် မကြုံရမချင်း ကိုယ်ချင်းမစာတတ်တဲ့ တကိုယ်ကောင်းဆန်လွန်းတဲ့ ကိုယ့်အကျင့်ပေါ့..
ချစ်သူက အခု ဆိုမာလီဖြတ်ရမယ်ဆိုတော့ သေမတတ်စိတ်ပူပါတယ်..
ဒီတခါက မသွားလို့မဖြစ်တဲ့အကြောင်းအရာတွေကြောင့် သူ့ကိုမလွှတ်ချင်ဘဲနဲ့ လွှတ်လိုက်ရတာ..
ဒါကြောင့် နောက်တခါဆို လုံးဝမလွှတ်ဘူးဆိုတာကိုလည်း ပြောပြီးပြီ..
အခုလည်း သူအဲ့နားကို ရောက်နေတဲ့အချိန်မှာ သေမလိုပါပဲ.. ဘုရားစင်ရှေ့ပဲထိုင်နေရမလား.. တနေကုန်ပဲ ဘုရားစာရွတ်နေရမလား.. ဘုရားကိုပဲနေ့တိုင်းသွားရမလားနဲ့ ယောက်ယက်တွေခတ်ပါတယ်..
မိုးလင်းတာနဲ့ ဘုရားစာရွတ်.. တနေကုန် သတိရတာနဲ့ ဘုရားစာရွတ်.. ညအိပ်ခါနီး ဘုရားရှိခိုး.. မေတ္တာတွေပို့.. အဲ့ကို ဖြတ်တဲ့နေ့က ဘုရားသွားနဲ့ အတော်လေး ရုတ်ရုတ်သဲသဲ ဖြစ်သွားပါတယ်.. အမေ့ကိုလည်း ကိုယ်အဲ့လိုတွေ စိတ်ပူနေတဲ့အကြောင်းတွေပြော..
ချစ်သူကိုလည်း သမ္ဗုဒေရွတ်ဖို့ တတွင်တွင်ပြောနဲ့... ဆောက်တည်ရာမရပါဘူး...
အခုတော့ အဲ့နားကို ကျော်လာခဲ့ပြီမို့ အနဲငယ် စိတ်ချသွားပေမဲ့ ခုချိန်ထိလည်း ချစ်သူဆီက အီးမေးလာရမဲ့အချိန်မလာရင် သွေးပျက်မတတ်ရူးသွပ်နေတုန်းပါ..
ပြောချင်တာက ကိုယ်ချင်းမစာတတ်တဲ့အကြောင်း..
ကိုယ်အရင်က သင်္ဘောရုံးမှာလုပ်တုန်းက.. အဲ့နားကိုဖြတ်မယ်ဆို.. လိုက်မဲ့သူတွေကို ဖုန်းအရင်ဆက်ပြီး အကြောင်းကြားရပါတယ်.. သူတို့သဘောတူမှသာ စာချုပ်ချုပ်ရတာပေါ့.. တချို့သူတွေက အိမ်ကိုမေးလိုက်ဦးမယ် မိန်းမနဲ့တိုင်ပင်လိုက်ဦးမယ်ပြောရင် ကိုယ်သိပ်စိတ်ဆိုးပါတယ်.. လူမရမချင်းက ကိုယ်ရှာရမှာကိုး.. လူရဖို့သာ ကိုယ့်ရဲ့ဦးတည်ရာလေ.. သူတို့ဘာဖြစ်ဖြစ် ကိုယ်စိတ်မ၀င်စားဘူး..
ဒီအလုပ်လုပ်ကို လုပ်စားနေမှတော့ ကြောက်နေသေးတယ်.. အဲ့လောက်ကြောက်နေရင်လည်း အလုပ်လုပ်စားမနေနဲ့တော့.. ဖြစ်ကံပါရင်ဖြစ်မှာပဲ ဆိုတဲ့စကားမျိုးကို ကိုယ်ပြောထွက်ခဲ့ဖူးပါတယ်.. ကာယကံရှင်တွေကို မပြောပေမဲ့ ကိုယ်တို့အချင်းချင်း နောက်ကွယ်မှာပြောတဲ့အခါ ကိုယ်ချင်းမစာမနာ ကိုယ်ပြောခဲ့ဖူးပါတယ်..
အခုချိန်မှ အဲ့ဒါတွေကို ပြန်တွေးမိမှ ပြောခဲ့မိတဲ့ ကိုယ့်ကိုယ်ကိုလည်း ကိုယ်သိပ်စိတ်ကုန်မိတယ်..
တကယ်ကိုယ်ကိုယ်တိုင်ကြုံရမှသာ အဲ့လိုလူတွေရဲ့ ခံစားချက်ကို ကိုယ်နားလည်နိုင်တယ်...
မကြုံရမချင်းက ကိုယ်သူများနေရာမှာ ၀င်မခံစားပေးတတ်ဘူး..
သိပ်တကိုယ်ကောင်းဆန်လွန်းတဲ့ကိုယ်ပါ..
တော်တော်ကို အကျင့်မကောင်းလွန်းတာ..
ခုတော့ ချစ်သူကို လုံးဝစိတ်မချဖြစ်ပြီး နေ့စဉ်နေ့တိုင်း ပူလောင်လွန်းတယ်....
ကိုယ်သိပ်ချစ်လွန်းရတဲ့သူမို့ ဘယ်လိုပုံမျိုးနဲ့မှ အထိခိုက်မခံနိုင်ပါဘူး...
ဒါတောင် အခု ကိုယ်တိုင်ကြုံတွေ့ရပြီမို့ ဒီလိုကိစ္စမျိုးဆို ကိုယ်ချင်းစာတတ်ပြီလို့ပြောလို့ရပေမဲ့ တခြားကိစ္စတွေဆို မကြုံရမချင်း ကိုယ်ချင်းမစာတတ်ဘူး... သူတဖက်သားအတွက်တွေးမပေးတတ်ဘူး..
သိပ်ကို အတ္တကြီး တကိုယ်ကောင်းဆန်လွန်းတဲ့ ကိုယ်ပါ..
No comments:
Post a Comment