ဒီတပတ်လည်း ဘယ်မှ မသွားဖြစ်ဘဲ စနေနေ့ကို တနေကုန် အိပ်ရင်းနဲ့ပဲ ကုန်ဆုံးပလိုက်တယ်... အဲ့လို အိပ်လိုက်ရတာလောက် ကျေနပ်စရာကောင်းတာမရှိဘူး...
တနင်္ဂနွေကျတော့ အစောထမှ ညပြန်အိပ်ပျော်မှာဆိုတော့ နေ့ခင်းလောက်ထဖြစ်တယ်..
ထလာတော့ စားစရာမရှိ.. စားစရာမရှိတော့ ဟင်းချက်မယ်ကြံ.. ချက်စရာလည်းမရှိဆိုတော့.. တယောက်တည်းပဲ ဈေးဝယ်ထွက်.. ဟင်းချက်စရာ ဘာညာဝယ်ပြီး အိမ်ပြန်လာ.. တညနေလုံး ဟင်းချက်.. ရေမိုးချိုး .. စားသောက်.. စီးရီးစ်လေး တပိုင်းလောက်ကြည့်.. ဖေ့ဘုတ်ခဏတဖြုတ်သုံး.. အိပ်...
သြော်.. ချစ်သူမရှိတဲ့ ဘ၀ကြီးက ခြောက်ကပ်ကပ်နဲ့ ပျင်းစရာကောင်းတာ... (လာပြန်ပါပြီ.. မရိုးနိုင်တဲ့ ညည်းချင်း)
ချစ်သူသာရှိရင်.. ပိတ်ရက်မှာ ဟိုသွားမယ် ဒီသွားမယ်.. ဟိုဟာစားမယ် ဒီဟာစားမယ်နဲ့.. ဘယ်မှ မသွား မစားဖြစ်ရင်လဲ.. အိမ်မှာ အေးအေးဆေးဆေး စီးရီးစ်လေးတွေကြည့်... ဗိုက်ဆာရင် လက်ဖက်လေးသုပ်လိုက်.. snacks လေးတွေစားလိုက်.. အအေးလေးသောက်လိုက်.. အတူတူ ဟင်းချက်စားလိုက်နဲ့ ဘ၀ကြီးက အရမ်းသာယာပါတယ်... ဈေးဝယ်ရတာတောင် ချစ်သူပါမှ ပျော်စရာကောင်းပါတယ်.. ဘီစကစ်မုန့်တွေရောင်းတဲ့အတန်းမှာ ကိုယ်က အမြဲလိုလို ၀ယ်ဝယ် မ၀ယ်ဝယ် အချိန်ဆွဲနေတတ်တယ်.. ချစ်သူကလည်း အမြဲလိုလို ကြာတယ်ဆိုပြီး ဗျစ်တောက်ဗျစ်တောက် လုပ်တတ်တယ်... ဇွန်းတချောင်းလောက်ဝယ်ဖို့တောင် သဘောထားချင်းကမတူ.. ဘူးတွေပလုံးတွေလည်း ကိုယ်က သိပ်ကြိုက်.. ဟုတ်ဟုတ်မဟုတ်ဟုတ် ငေးမောနေတတ်တော့.. ငေးမောနေတာကြာရင် ၀ယ်ဖြစ်သွားတော့မှာကို ကြိုသိတဲ့ချစ်သူက အမြဲဆွဲခေါ်... ဒီလို ဈေးဝယ်ရတဲ့အချိန်လေးတွေကအစ လွမ်းစရာကောင်းလွန်းလှတယ်... ခု ၂လလောက်အတွင်းမှာတောင် တယောက်တည်း ဈေးဝယ်ရတာကို အသားမကျနိုင်သေးဘူး...
ဒီပိတ်ရက်မှာ စီးရီးစ်ကြည့်တာ.. ချစ်သူမရှိတဲ့နောက်မှာ ပထမဆုံးဆိုတော့.. ချစ်သူကို ပိုးစိုးပက်စက်လွမ်းမိပါတယ်.. အအေးသောက်မိတာတောင် ဘာလိုနေမှန်းမသိဘူး.. ခွက်တခွက်တည်းကို ၂ယောက်လုသောက်ရတာက ပိုပြီး အရသာရှိသလိုလို... လုစားနေကြ ဂျယ်လီဘူးလေးကို တယောက်တည်း စားရတော့ ငိုချင်သလိုလို.. တယောက်တည်းဘ၀က အရာအားလုံး အဓိပ္ပာယ်မဲ့နေသလိုလို..
ဒီလိုနဲ့ပဲ နောက်ထပ် ၄-၅လလောက် စခန်းသွားရဦးမယ်.. လွမ်းရတာ ပင်ပန်းလွန်းတယ်ကွယ်....
ကိုယ်ဟာ အဆိုးမြင်စိတ်များလွန်းပြီး ကိုယ်ချင်းမစာတတ်လို့လားမသိဘူး.....
မိုင်ပေါင်း ထောင်ချီလေးဝေးနေတာကို စာဖွဲ့နေကြတယ်... ဖုန်းလေးပုံမှန်ပြော.. ၀ါသနာပါရင် အချိန်မရွေး ထလိုက်သွားလို့ရတဲ့နေရာမှာ နေရတာကို LDR ဆိုပြီး လွမ်းဆွေးပြနေတာကို နေရင်းထိုင်ရင်းကြည့်မရဘူး..
သြော်.. လူဆိုတာလည်း ကိုယ်ကြုံနေရတာကိုသာ အကြီးဆုံး ဒုက္ခလို့ထင်တတ်ကြတာလေ.. ကိုယ့်ဟာကိုယ် ပြောတာပါ..
ဖုန်းလည်း ပုံမှန်ပြောလို့မရ.. လေးငါးခြောက်ရက်နေမှ တခါလောက်ဖုန်းပြော.. တခါတလေ တပတ် ဆယ်ရက် အသံတောင်မကြားရ... ကြားထဲမှာ ဘယ်ရောက်လို့ဘယ်ပေါက်မှန်းမသိ.. ကိုယ်ဘာဖြစ်နေလဲသူမသိ.. သူဘာလုပ်နေမလဲ ကိုယ် မသိနဲ့.. စိတ်ရှိတိုင်း ထလိုက်သွားလို့ရတဲ့နေရာလည်းမဟုတ်... စိတ်ပင်ပန်းလွန်းပါတယ်...
ဘာရယ်မဟုတ်ပါဘူး.. ပိတ်ရက် ဟင်းချက်ဖြစ်တဲ့အကြောင်း ပို့စ်တင်တာပါ..
No comments:
Post a Comment