ကိုယ်ကိုယ်တိုင်က ကျောင်းသူအရွယ်ထဲက ကိုယ့်အားကိုယ်ကိုးလာလို့လားမသိဘူး..
သူများတကာဆီက အကူညီယူပြီးမှ အလုပ်လုပ်တတ်တဲ့သူတွေမြင်ရင် ဘယ်လိုမှကို ကြည့်မရဘူး..
ကျောင်းသူအရွယ်ဆိုတာ.. ၂တန်း ၃ တန်းထဲကပါ.. ကျောင်းကားနဲ့ ကျောင်းသွားတယ်.. ဘာစာမေးပွဲဖြေဖြေ အဖေရော အမေရော လိုက်မစောင့်ဖူးဘူး.. သူများတကာ အမေအဖေတွေ လိုက်စောင့်တာမြင်လို့လည်း အားမကျဖူးဘူး.. အဲ့အရွယ်ထဲကနေ အဲ့လိုကြီးပြင်းလာရာကနေ.. ဆယ်ကျော်သက်အရွယ်ရောက်တော့လည်း ... အဖေ အမေက.. ကိုယ်လုပ်ချင်တာကို ဘေးကနေစောင့်ကြည့် ထိန်းကျောင်းပေးတာကလွဲရင်... မိဘချပေးတဲ့ ပုံစံခွက်ထဲမှာ မကြီးပြင်းခဲ့ရဘူး.. ဆေးကျောင်း ၆လလောက်တတ်ပြီး ဆက်မတက်ချင်တော့ဘူးဆိုတော့လည်း... အမေက စိတ်မကောင်းဖြစ်ပြီး စဉ်းစားပါဦးလို့ ပြောခဲ့တာကလွဲရင် ပြင်းပြင်းထန်ထန်မတားမြစ်ခဲ့ဘူး... ဘာဆက်လုပ်မှာလဲဆိုတဲ့ဟာကိုလဲ.. လမ်းကြောင်းတခုပေါ်ရောက်အောင် ကိုယ့်ဟာကိုယ်ပဲရွေးချယ်ခဲ့တယ်.. စိတ်ထင်တိုင်းလုပ်ခဲ့တဲ့ အပေါ်မှာလည်း ခုထက်ထိ တခါမှ နောင်တမရမိသေးဘူး.. ကျောင်းတက်နေရင်းနဲ့ အလုပ်လုပ်မယ်ဆိုတာလည်း ကိုယ်ကိုယ်တိုင်ပဲ ဆုံးဖြတ်ခဲ့တာ.. အလုပ်လုပ်ချင်တယ်ဆိုပြီး အိမ်ကိုအသိပေးရင်.. ကိုယ်တိုင်ပဲ အလုပ်တွေလျှောက်ခဲ့တာ.. ခုချိန်ထိရခဲ့သမျှ အလုပ်တွေကလည်း ဘယ်သူ့အကူအညီမှမပါခဲ့ဘူး.. ဆယ်တန်းအောင်လက်မှတ်လေးကိုင်ပြီး ကုမ္ပဏီတွေမှာ လိုက်လျှောက်ခဲ့တုန်းကလည်း ဘယ်သူ့ဆီမှ အပူမကပ်ခဲ့ဘူး.. အဖေပြောပေးလို့.. ဟိုလူနဲ့သိလို့.. ဒီလူနဲ့ခင်လို့ဆိုပြီး တနေရာရာမှာ ၀င်လုပ်ရမှာကို အင်မတန်ဝန်လေးခဲ့မိတယ်.. အဲ့လိုမျိုးကြီးပြင်းခဲ့ရတော့... တခုခုဆို ကိုယ့်ဟာကိုယ်ပဲ ကိုယ်ထင်တာ ကိုယ်လုပ်ချင်တယ်.. သူများရဲ့အထင်အမြင်ကို သိပ်ပြီး အလေးမထားချင်ဘူး.... တခုခုဆို ကိုယ့်ဟာကိုယ်ပဲ ဆုံးဖြတ်ချင်တယ်... ဘယ်လို အကြံညဏ်ပေးမှုကိုမှ လက်မခံနိုင်ဘူး.. သိပ်ပြီး အစွန်းရောက်လွန်းတာ ဖြစ်ကောင်းဖြစ်မယ်.. ဒါပေမဲ့ အဲ့လိုဖြစ်နေတာကိုပဲ ကျေနပ်တယ်.. အခုအလုပ်ကို မ၀င်ခင်တုန်းကလည်း ၃ခုလောက်ကိုယ့်အတွက် ရွေးချယ်စရာဖြစ်ခဲ့တာ.. မိဘ..ချစ်သူ.. သူငယ်ချင်း .. အကုန်လုံးကို ဘာလုပ်ရမှန်းမသိဘူးဆိုပြီး လိုက်ပြီး ဂျီကျဖူးပါရဲ့... နောက်ဆုံးတော့ ဘယ်သူဘာပြောပြော ကိုယ်လုပ်ချင်တာကိုပဲလုပ်ခဲ့တာပါပဲ.. ခုချိန်ထိလည်း ကိစ္စတော်တေ်ာများများကို အမေပါမှဆိုပြီး ဂျီကျတုန်းပါ.. ဂျစ်တိုက်တာပါ.. တခြားဘယ်သူ့ဆီကမှ ဘယ်လို ကိစ္စမျိုးကိုမှ မတောင်းဆိုချင်ဘူး.. ယုတ်စွအဆုံး ကိုယ်မကျွမ်းကျင်တဲ့ ကိစ္စတခုလုပ်ဖို့ဆိုရင်တော့ လုပ်ဖူးသူတွေ ကျွမ်းကျင်သူတွေကို မေးဖို့ဝန်လေးပါတယ်.. အဲ့လိုလူက.. နဖူးစာရွာလည်ချင်တော့.. တခုခုဆို.. တယောက်ယောက်ဆီမေးပြီးမှ လုပ်တတ်တဲ့ အကျင့်လေးနဲ့လူနဲ့မှ တိုက်တိုက်ဆိုင်ဆိုင်တွေ့ပါတယ်.. ဥပမာ.. တခါတုန်းက ကိုယ်က လမ်းဘေးက ကူးခွေလိုချင်တာပါ... အဲ့ဒါဘယ်နားရှာရမှန်းမသိတော့ ချစ်သူက သူ့သူငယ်ချင်းဆီ ဖုန်းဆက်မေးဖို့ ပြင်ပါတယ်.. ကိုယ်နဲ့ အကြီးအကျယ်ရန်ဖြစ်ပါတယ်.. ကိုယ်က အဲ့ဒါမျိုးလုံးဝမကြိုက်ပါ.. ရန်ကုန်တမြို့လုံး ပတ်ပြီးလိုက်ရှာရပါစေ.. ကိုယ်ဘယ်သူ့ဆီမှဖုန်းမဆက်ချင်ပါ.. အဲ့လိုဆို ချစ်သူကပြောပါမယ်.. ဆီကုန်မယ်.. နင်က ကားမောင်းရတဲ့သူမှ မဟုတ်တာတို့.. ဘာတို့.. ကိုယ်ကိုယ်တိုင်ကားမောင်းနေရဦးတော့ ကိုယ်က တမြို့လုံးပတ်ရှာမဲ့သူပါ.. အချိ်န်ကုန်မှာကိုလည်း ကိုယ်မတွေးချင်ပါ.. အဲ့အခွေမရခဲ့ရင်တောင် ဖုန်းမဆက်လိုက်ရတဲ့ အတွက် ကိုယ်ကျေနပ်ပါတယ်.. ဖုန်းတော့ သေတောင် မဆက်ချင်ပါ.. အဲ့လောက်ခေါင်းမာတဲ့ကိုယ်ပါ.. ဒီလို လူ၂ယောက်ဆိုတော့ ခဏခဏ တကျက်ကျက်ပါပဲ.. သူကလည်း ထစ်ခနဲရှိ သူငယ်ချင်းဆီဖုန်းဆက်... ကိုယ်ကလည်း အဲ့ဒါကို လုံးဝမကြိုက်.. ဒီစာကိုရေးဖြစ်ရခြင်းက..လောလောလတ်လတ်ကပဲ.. သူ့သူငယ်ချင်းတယောက် scientific calculator ၀ယ်ဖို့ သူ့ဆီကိုဖုန်းဆက်လာလို့ပါ.. ကိုယ်ဆိုရင်တော့.. showroom သွား အရောင်းစာရေးပြောတာ နားထောင်ပြီး ၀ယ်မှာပါ.. အင်တာနက်ခေတ်မှာ တချက်ခေါက်လိုက်ရုံနဲ့ ကိုယ်လိုချင်တာ ဘာဆိုတာ အရောင်းစာရေးကို မေးစရာမလိုဘဲနဲ့လည်း သိနိုင်ပါတယ်.. ကိုယ်အသေပေါက်ပါတယ် အဲ့လို ကိစ္စတွေကို.. အဲ့ဒါမျိုးတွေ ခဏခဏပါပဲ.. ကွန်ပျူတာဝယ်ချင်လို့.. ဖုန်းဝယ်ချင်လို့.. ကိုယ်တို့တွေဟာ အရွယ်ရောက်ပြီး ကိုယ်တိုင် ချင့်ချိန်နိုင်တဲ့သူတွေပါ.. နေရာတကာ ကိစ္စ အသေးအဖွဲလေးကစ သူများအားကိုးစရာမလိုပါဘူး.. ဘာ့ကြောင့် အဲ့လိုမျိုးတွေ ဖြစ်နေလဲဆိုတာကိုလည်း လုံးဝကို စဉ်းစာလို့မရသလို.. နားလည်ပေးလို့လည်းမရပါဘူး.. ကိုယ်ဟာနားလည်မှုခေါင်းပါးပြီး တကိုယ်ကောင်းဆန် ခေါင်းမာ အစွန်းရောက်လွန်းတဲ့သူပါလို့ပဲ ကိုယ့်ဟာကိုယ် ကောက်ချက်ချလိုက်ပါတော့မယ်လေ..
No comments:
Post a Comment